या भव्य शक्ती प्रदर्शनाने वेधले नगरकरांचे लक्ष
नगर - विशेष वृत्त
37 अहमदनगर दक्षिण लोकसभा मतदार संघासाठी खासदार सुजय विखे पाटील यांच्या अर्ज दाखल करण्यापूर्वी नगर शहरातून भव्य शक्ती प्रदर्शन आज नगरकरांचे लक्ष वेधून गेले .
खासदार विखे यांचे सोबत नगरचे आमदार संग्राम जगताप हे देखील सहभागी झाल्याने विखे , जगताप व भाजप समर्थकांमध्ये भर उन्हामध्ये उत्साह संचारल्याचे चित्र आज दिसून येत होते .
नगर शहरातील झालेल्या या भव्य शक्ती प्रदर्शनामध्ये अनेक समर्थकांच्या हातात पंतप्रधान नरेंद्र मोदी , उत्तर प्रदेशचे मुख्यमंत्री योगी आदित्यनाथ , खा. सुजय विखे पाटील आणि आमदार संग्राम जगताप यांचे फोटो चाहत्यांचे आकर्षण ठरले . काही फलकांवर परमनंट खासदार , बॉस हे सर्वांचे लक्ष वेधत होते .
येत्या 13 मे रोजी होणाऱ्या लोकसभा निवडणुकीच्या अर्ज दाखल करण्यासाठी आज भाजपाचे खासदार सुजय विखे पाटील यांच्या नगर शहरातील या शक्ती प्रदर्शनाची जोरदार चर्चा सध्या सुरू आहे .
Post a Comment
0 Comments