राष्ट्रवादी शरद पवार गटाच्या स्टार प्रचारकांची भल्या सकाळीच चाय पे चर्चा

राहुरी -  विशेष वृत्त

राष्ट्रवादी काँग्रेस शरद पवार गटाचे स्टार प्रचारक आणि राहुरीचे आमदार प्राजक्त तनपुरे यांनी आज राहुरी शहरातील स्थानिक पत्रकार व नागरिकांत समवेते चाय पे  चर्चा केली . 

 अहमदनगर लोकसभेचे उमेदवार निलेश लंके यांच्या प्रचारासाठी आमदार तनपुरे नगर येथील नियोजित कार्यक्रमाला जाताना नवी पेठेतील अल्ताफ शेख या वृत्तपत्र विक्रेत्याकडे पत्रकार व नागरिक थांबलेले दिसले.  तनपुरे यांनी आपली गाडी बाजूला लावून स्थानिक पत्रकार आणि नागरिकांशी संवाद साधला . यावेळी पेठेतील संपत पवार यांच्या हॉटेलमध्ये सर्वांसमवेत चहाचा आस्वाद घेतला .  अल्हाट , संपत पवार  , दीपक मकासरे , शरद तनपुरे , पत्रकार संजय कुलकर्णी , प्रसाद मैड , अनिल कोळसे , बाबुलाल वाघ दत्ता जोगदंड , वृत्तपत्र विक्रेता अल्ताफ शेख आदींसह नागरिक यांच्याशी संवाद झाला .

यावेळी शहर व परिसरातील समस्यांबाबत तसेच अन्य विषयांवर दिलखुलास चर्चा केली. आमदार प्राजक्त तनपुरे सध्या राष्ट्रवादी शरद पवार गटाचे स्टार प्रचारक आहेत . आपल्या व्यस्त अशा कामातून त्यांनी काही काळ नागरिकसाठी वेळ  काढून चाय पे चर्चा केल्याची चर्चा सध्या राहुरी शहर व परिसरात होत आहे .