मच्छिंद्रनाथ गडावर मायंबा येथे या खासदाराने घेतले उघड्या अंगावर दर्शन

 राहुरी - विशेष वृत्त 

नाथांचे पवित्र क्षेत्र असलेल्या सावरगाव येथील मच्छिंद्रनाथ गड मायंबा येथे आज भल्या पहाटे नगरचे खासदार डॉक्टर सुजय विखे पाटील यांनी पारंपारिक रित्या दर्शन घेतले .

मायंबाच्या मच्छिंद्रनाथांच्या समाधीचे दर्शन घेण्यासाठी उघड्या अंगाने जावे लागते . यावेळी खासदार विखे यांनी उघड्या अंगावर दर्शनासाठी जाताना हजारो नाथभक्तांना त्यांनी अभिवादन केले . नाथ संप्रदायामध्ये मच्छिंद्रनाथ गड मायंबा याची सर्वश्रुत आहे . वर्ष प्रतिपदाच्या पहाटे सावरगाव येथील गडावर राज्यभरातून लाखोंच्या संख्येने भक्त दर्शनासाठी येतात . या एकाच दिवशी मच्छिंद्रनाथांची समाधी भाविकांसाठी खुली असते .

सोमवारी मध्यरात्रीच्या सुमारास नगरचे खा. डॉ. सुजय विखे पाटील या ठिकाणी पारंपारिक वेषाव्यतिरिक्त उघड्या अंगाने येऊन मच्छिंद्रनाथांच्या समाधीचे दर्शन घेतले . यावेळी हजारो समर्थकांनी त्यांचे स्वागत केले .

 यावेळी माध्यमांशी बोलताना खासदार विखे म्हणाले की , सध्या टंचाई परिस्थिती आहे , त्यातून बळीराजा सुखावला गेला पाहिजे . एवढीच प्रार्थना आम्ही नाथांच्या चरणी केली आहे. नगरचे खासदार सुजय विखे पाटील यांच्या सावरगाव येथील मायंबाच्या मच्छिंद्रनाथ महाराजांच्या समाधी दर्शनाची चर्चा सर्वत्र सुरू आहे