सोमवारी नगरात मोठे शक्ती प्रदर्शन ! नगर शहरात होणार या घडामोडी

अहिल्यानगर - विशेष वृत्त

दि. २२ एप्रिल रोजी डॉ. सुजय विखे पाटील जिल्हाधिकारी कार्यालय येथे ठीक ११ वाजता आपला नामांकन अर्ज दाखल करणार आहेत.

यावेळी राज्याचे मुख्यमंत्री मा. एकनाथजी शिंदे, उपमुख्यमंत्री मा. देवेंद्रजी फडणवीस, उपमुख्यमंत्री मा. अजितदादा पवार आणि राज्याचे महसूल तथा जिल्ह्याचे पालकमंत्री मा. राधाकृष्ण विखे पाटील यांची प्रमुख उपस्थिती राहणार आहे.

नगर शहरात उमेदवारी अर्ज भरण्यासाठी होणाऱ्या शक्ती प्रदर्शनासाठी राहुरी तालुक्यातून मोठ्या प्रमाणात हालचाली सुरू आहेत . तसेच पारनेर , नगर शहर , श्रीगोंदा , कर्जत , जामखेड मधूनही मोठ्या संख्येने भाजपा कार्यकर्त्यांसह समर्थक येण्याची शक्यता लक्षात घेता नगर शहरात तगडा पोलीस बंदोबस्त असणार आहे .

रॅली मार्ग असा असेल.... अहिल्यानगर मधील छत्रपती शिवाजी महाराजांच्या पुतळ्याला अभिवादन- माळीवाडा वेस येथून विशाल गणपतीचे दर्शन- पंच पीर चावडी मार्गे माणिक चौक- भिंगारवाला चौक- तेलीखुंट- चितळे रोड- स्वा. वीर सावरकर चौक- दिल्लीगेट ते निलक्रांती चौक येथे सभा- जिल्हाधिकारी कार्यालयात अर्ज दाखल..

रॅली वेळ : ९.३०