गोल्डन ग्रुपच्या वतीने मुस्लिम बांधवांना इफ्तार पार्टी

 राहुरी -  ( विशेष वृत्त

)

  राहुरी येथील गोल्डन ग्रुपच्या वतीने पवित्र रमजान महिन्याच्या निमित्ताने मुस्लिम बांधवांना इफ्तार पार्टी आयोजित करण्यात आली होती .गोकुळ कॉलनी येथील गुलदगड कॉर्नर येथे या इफ्तार पार्टीचे आयोजन करण्यात आले होते  

गोल्डन ग्रुपचे सदस्य प्रसाद मैड यांनी प्रास्ताविकात गोल्डन ग्रुपच्या सामाजिक उपक्रमाबद्दल माहिती दिली . आठ वर्षांपूर्वी राहुरी कॉलेजच्या माजी विद्यार्थ्यांनी स्थापन केलेल्या गोल्डन ग्रुप समाजाशी बांधिलकी असल्याने आतापर्यंत गरजू विद्यार्थ्यांना शालेय साहित्य वाटप , अनाथालयातील निराधारांना मदत , वृक्षारोपण आदी प्रकारच्या सामाजिक उपक्रमांमध्ये सहभाग राहिलेला आहे . दरवर्षी राहुरी महाविद्यालयातील माजी विद्यार्थ्यांचा मोठा मेळावा आयोजित करण्यात येतो , लवकरच हा मेळावा आयोजित करण्यात येणार असल्याची माहिती देण्यात आली .

गोल्डन ग्रुपचे संयोजक मच्छिंद्र गुलदगड , सहसंयोजक दिलीप गागरे , राजू पवार , मधुकर येवले , राजूभाऊ घाडगे , जयंत गोडसे यांच्या हस्ते मुस्लिम बांधवांना व ग्रुप मधील सदस्यांना इफ्तार पार्टी निमित्त फळ - फलाहाराचे वाटप करण्यात आले . यावेळी जेष्ठ पत्रकार आयुब भाई पठाण , युसुफभाई देशमुख , डॉ. जाकिर शेख , अख्तर आतार , मेहबूबभाई शेख आदी उपस्थित होते .