राष्ट्रवादीच्या स्टार प्रचारकाच्या होमग्राऊंडवर गुरुवारी नेते शरद पवार यांची प्रचारसभा

राष्ट्रवादीच्या स्टार प्रचारकाच्या होम ग्राऊंडवर नेते शरद पवार यांची प्रचारसभा

राहुरीत गुरुवारी निलेश लंकेच्या प्रचारार्थ सभेकडे लागले सर्वांचे लक्ष 

राहुरी - विशेष वृत्त

राष्ट्रवादी काँग्रेस शरद पवार गटाचे स्टार प्रचारकाच्या होम ग्राऊंडवर राष्ट्रवादीचे नेते शरद पवारांची उमेदवार आमदार निलेश लंकेच्या प्रचारार्थ भव्य सभा गुरुवारी होत आहे . याकडे मतदारांसह सर्वांचे लक्ष लागले आहे . 

 राष्ट्रवादी काँग्रेस शरद पवार गटाच्या उमेदवार आमदार निलेश लंके यांच्या प्रचारार्थ शरद पवारांच्या उपस्थितीत प्रचार सभा होत आहे राष्ट्रवादीचे आमदार प्राजक्त तनपुरे राष्ट्रवादी काँग्रेस शरद पवार गटाच्या स्टार प्रचारक यादीत असल्याने तनपुरे हे नगर जिल्ह्यासह राज्यात सर्वश्रूत झाले आहे .

त्यांच्या अभ्यासू भाषण व विरोधकांवरील संतुलित टीकामुळे त्यांच्या भाषणाकडे सर्वांचेच लक्ष लागून असते . नगर जिल्ह्यात तनपुरे स्टार प्रचारक असल्याने लोकसभेसाठीचे राष्ट्रवादी शरद पवार गटाचे उमेदवार आमदार निलेश लंके यांच्या लोकसंवाद यात्रेत आमदार प्राजक्त तनपुरे यांनी विशेष भूमिका बजावली . आजच नगर येथे आमदार निलेश लंके यांनी लोकसभेसाठी राष्ट्रवादी शरद पवार गटाकडून उमेदवारी अर्ज भरला आहे .

त्यातच गुरुवार दिनांक 25 एप्रिल रोजी राहुरीत राष्ट्रवादीचे नेते शरद पवार यांची प्रचार सभा राहुरी येथील पाण्याच्या टाकी जवळील मैदानावर सकाळी 10 वाजता आयोजित करण्यात आली आहे . आमदार प्राजक्त तनपुरे तथा राष्ट्रवादीचे स्टार प्रचारकाच्या होम ग्राउंड वर पक्षाचे नेते शरद पवार यांची उमेदवार निलेश लंके यांच्या प्रचारार्थ ही सभा होत असल्याने या सभेकडे नगर जिल्ह्याचे लक्ष लागून राहिले आहे .