लोणीच्या घोगरे ताईंच्या उंबऱ्यातील सभेकडे सर्वांचे लक्ष

 लोणीच्या घोगरे ताईंच्या उंबऱ्यातील सभेकडे सर्वांचे लक्ष

राहुरी - विशेष वृत्त

अहमदनगर लोकसभा निवडणुकीसाठी राष्ट्रवादी काँग्रेस शरद पवार पक्षाचे उमेदवार आमदार निलेश लंके यांच्या प्रचारार्थ शनिवार दिनांक 4 मे 2024 रोजी सकाळी दहा वाजता उंबरे येथील साई लॉन्स मंगल कार्यालय येथे प्रचार सभेचे आयोजन करण्यात आले आहे .

या प्रचार सभेत माजी महसूल मंत्री व काँग्रेसचे ज्येष्ठ नेते बाळासाहेब थोरात , राष्ट्रवादी काँग्रेस शरद पवार पक्षाचे स्टार प्रचारक व राहुरीचे आमदार प्राजक्त तनपुरे आणि लोणी येथील कृषिभूषण सौ प्रभावती ताई घोगरे पाटील यांची प्रमुख उपस्थिती असणार आहे .

कोण आहेत या घोगरे ताई !!

कृषी भूषण प्रभावती घोगरे यांनी प्रवरा पट्ट्यातील लोणी येथील सरपंच पद म्हणून काम पाहिलेले आहे तर माजी आमदार चंद्रभान दादा घोगरे यांच्या त्या सून आहेत . कोल्हार येथील माजी सरपंच सुरेंद्र खर्डे यांच्या त्या बहीण असून प्रवरा परिसराचे व विखे पाटील यांच्या विरोधात त्या सातत्याने लढा देत आलेल्या असून प्रवरा पट्ट्यातील बुलंद तोफ अशी त्यांची ओळख आहे .

4 मे रोजी उंबरे येथे प्रचार सभा होत आहे , त्यामुळे घोगरे ताईंचे भाषण ऐकण्यासाठी उंबरे , ब्राह्मणी , आदी पंचक्रोशीतील गावातील नागरिक , मतदारांचे या सभेकडे लक्ष लागून राहिले आहे.