राहुरी शहरातील या भव्य रॅलीची सर्वत्र चर्चा
राहुरी - विशेष वृत्त
राष्ट्रवादी शरद पवार पक्षाचे उमेदवार निलेश लंके यांच्या प्रचारार्थ आज राहुरी शहरात माजी मंत्री व राष्ट्रवादीचे स्टार प्रचारक आमदार प्राजक्त तनपुरे यांच्या उपस्थितीत भव्य रॅली काढण्यात आली . या रॅलीला मोठा प्रतिसाद शहरातून मिळाला .
येत्या 13 मे रोजी 37 अहमदनगर लोकसभा मतदारसंघासाठी मतदान होणार आहे . या पार्श्वभूमीवर राष्ट्रवादी शरद पवार पक्षाचे उमेदवार निलेश लंके यांच्या प्रचारार्थ राष्ट्रवादीचे स्टार प्रचारक व राहुरीचे आमदार प्राजक्त तनपुरे यांनी आपली प्रतिष्ठा पणाला लावलेली असून संपूर्ण राहुरी विधानसभा मतदारसंघ अक्षरशः त्यांनी पिंजून काढला आहे .
आज उमेदवार निलेश लंके यांच्या प्रचारार्थ राहुरी शहरात भव्य अशी प्रचार भव्य रॅली काढण्यात आली . राहुरी बाजार समिती पासून सुरू झालेली ही रॅली नवी पेठ , शनि चौक , बाजारपेठ , शिवाजी चौक , शुक्लेश्वर चौका मार्गे कानिफनाथ चौक क्रांती चौक अशी काढण्यात आली .
या रॅलीत ठिकठिकाणी राष्ट्रवादी समर्थकांनी व नागरिकांनी उमेदवार लंके यांचे स्वागत केले . रॅलीमध्ये आमदार प्राजक्त तनपुरे , राहुरी बाजार समितीचे सभापती अरुण तनपुरे , युवा नेता हर्ष तनपुरे , यांच्यासह राष्ट्रवादीचे अनेक पदाधिकारी , विविध संस्थांचे पदाधिकारी व ग्रामीण भागातून आलेले कार्यकर्ते आणि समर्थकांचा मोठ्या प्रमाणात समावेश होता .
राहुरी तालुक्यात मोठ्या सभा आणि रॅली याचे मोठे आकर्षण असते. आज आमदार प्राजक्त तनपुरे यांच्या उपस्थितीतील उमेदवार निलेश लंके यांच्या रॅलीची मोठ्या प्रमाणावर चर्चा सुरू होती .
Post a Comment
0 Comments