प्रवरेची बुलंद तोफ प्रभावती घोगरेताईंची तोफ राहुरी शहरात धडाडणार

राहुरी - विशेष वृत्त

महाविकास आघाडीचे उमेदवार निलेश लंके यांच्या प्रचारार्थ राहुरी शहरात आज सायंकाळी भव्य रॅली सह प्रचार सभेचे आयोजन करण्यात आले आहे .

प्रवरेची बुलंद तोफ समजल्या जाणाऱ्या प्रभावती ताई घोगरे यांची राहुरी शहरात आज तोफ धडाडणार आहे .

राष्ट्रवादी शरद पवार पक्षाचे स्टार प्रचारक आमदार प्राजक्त तनपुरे यांचे राहुरी हे होम ग्राउंड असून शरद पवार यांच्या सभेनंतर आमदार उमेदवार निलेश लंके यांच्यासाठी तनपुरे यांनी प्रचाराचे मोठे रान पेटवले . पाथर्डी , नगर , राहुरी तालुक्यात अक्षरशः मोठ्या प्रमाणात गाठीभेटी घेत प्रचाराचा धडाका लावला .

आज राहुरी शहरातील सरकारी दवाखान्यासमोर नवी पेठेत भव्य प्रचार सभा होणार आहे . धाराशिव चे मा. खासदार ओमराजे निंबाळकर , काँग्रेस नेते तथा धनगर समाजाचे नेते डॉ. यशपाल भिंगे , लोणी येथील कृषिभूषण व प्रवरेची बुलंद तोफ समजल्या जाणाऱ्या प्रभावती ताई घोगरे आणि स्टार प्रचारक आमदार प्राजक्त तनपुरे यांची प्रमुख उपस्थिती असणार आहे . सभेपूर्वी मार्केट यार्ड येथून शुक्लेश्वर चौक, शिवाजी चौक , शनी चौका मार्गे भव्य रॅली निघणार आहे . या रॅलीकडे व सभेकडे राहुरी शहरवासीयांचे लक्ष लागले आहे .