टाकळीमियातील बाल संस्कार शिबिराला मोठा प्रतिसाद
राहुरी - ( विशेष प्रतिनिधी )
राहुरी तालुक्यातील टाकळीमिया येथील ग्रामस्थांच्या सहभागातून 3 मे ते 14 मे 2024 या काळात होणार्या बाल संस्कार शिबिराला मोठ्या उत्साहात नुकताच प्रारंभ झाला .
टाकळीमिया येथील समस्त ग्रामस्थांच्या सहभागातून अंजनी ऍग्रो इंडस्ट्रीजच्या ( यज्ञ स्थळ ) जागेत या शिबिराचे उद्घाटन महंत उद्धव महाराज मंडलिक यांच्या हस्ते संपन्न झाले.
आदिनाथ महाराज दुशिंग यांच्या मार्गदर्शनाखाली व टाकळी येथील उदय महाराज घोडके यांच्या अधिपत्याखाली हे शिबिर सध्या सुरू आहे .
( फोटो- रामायणाचार्य संजय महाराज पाचपोर यांनी शिबिर स्थानी भेट देऊन शिबिरातील विद्यार्थ्यांना मार्गदर्शन केले )
शिबिरात सहभागी बाल विद्यार्थ्यांना नंदकुमार जुंदरे ( अभ्यास , प्रसाद बानकर (भारतीय संस्कृती), शंभू गिरी महाराज ( मातृ-पितृ उपकार ), डॉ. भास्कर कुलकर्णी ( पर्यावरण ), सौ सारिका ढोकणे ( कुटुंब व्यवस्था ), बाबासाहेब तोडमल ( स्वातंत्र्यवीर सावरकर ), प्रसाद मैड ( देशभक्तीपर गीते ), विजयराव ढोले (अभंग ), डॉ. डी डी जाधव ( शारीरिक आरोग्य ), प्रा. महेश शेळके ( दैनंदिन जीवनातील देशभक्ती ), वैद्य किशोर खेडेकर ( सामाजिक आरोग्य ), प्रा. संदीप मगर ( वाचन महत्व ), अनिल देशपांडे ( भ्रमणध्वनी एक समस्या ), प्रवीण पैठणकर ( छत्रपती संभाजी महाराज ), यांचे बौद्धिक सत्र होणार आहेत . रामायणाचार्य संजय महाराज पाचपोर यांनी शिबिरास भेट देऊन शिब्रार्थी विद्यार्थ्यांची भेट घेऊन माहिती घेतली .
टाकळीमिया पंचकोशीसह राहुरी , श्रीरामपूर, नेवासा तालुक्यातील शंभरहून अधिक बाल विद्यार्थी शिबिरात सहभागी झाले आहेत .
Post a Comment
0 Comments