राहुरी शहरातील या रॅलीत गुंजला भव्य श्रीरामाचा गजर

 खा.विखे पाटील यांच्या राहुरीतील भव्य रॅलीत गुंजला प्रभू श्रीरामाचा गजर 

राहुरी - विशेष वृत्त

महायुतीचे उमेदवार खा. सुजय विखे पाटील यांच्या राहुरीतील भव्य रॅलीत प्रभू श्रीरामाचा गजर सर्वांचेच राहुरीकरांचे लक्ष वेधून होता .

अहमदनगर लोकसभा मतदारसंघाचे महायुतीचे उमेदवार खा. सुजय विखे पाटील यांच्या प्रचारार्थ आज राहुरी शहरात

 नवीपेठ मध्ये महायुतीचे नेते व अजित पवार राष्ट्रवादीचे नेते धनंजय मुंडे यांची सभा आयोजित करण्यात आली .

सभेपूर्वी राहुरी शहरातून महायुतीचे  उमेदवार खा. सुजय विखे पाटील यांची भव्य रॅली निघाली. 

यावेळी खासदार विखे यांच्या समवेत माजी आमदार शिवाजीराव कर्डिले हे देखील सहभागी झाले . या रॅलीत शहरवासीयांकडून ठिकठिकाणी त्यांना प्रभू रामाचे उपरणे , पुष्पहार घालून स्वागत करत शुभेच्छा दिल्या . नगर मनमाड रस्त्यापासून ही रॅली शुक्लेश्वर चौक , शिवाजी चौक , बाजारपेठ मार्गे शनि चौकातून नवी पेठ या ठिकाणी काढण्यात आली . अनेक ठिकाणी रॅलीवर फुलांची वृष्टी देखील करण्यात आली . या रॅलीत प्रभू रामचंद्रांच्या गाण्यांचा मोठा गजर करण्यात येत होता . त्याला राहुरी शहरवासीयांकडून मोठा प्रतिसाद पहावयास मिळत होता . नवीपेठ मध्ये धनंजय मुंडे यांची प्रचार सभा झाली . या सभेसाठी देखील मोठ्या संख्येने नागरिक मतदार उपस्थित होते .