या पत्रकारांचा झाला यथोचित सन्मान

राहुरी ( प्रतिनिधी )

दिव्यशक्ती फाउंडेशनच्या वतीने राज्यस्तरीय पुरस्कार दिलेल्या राहुरीतील पत्रकारांचा गोल्डन ग्रुप (मैत्री) यांच्या वतीने यथोचित सत्कार करण्यात आला . येथील अतिथी हॉलमध्ये या सत्काराचे नियोजन करण्यात आले होते .

राहुरी येथील इलेक्ट्रॉनिक मीडियाचे पत्रकार शरद पाचारणे सर , मनोजकुमार साळवे , मिनाश पटेकर यांचा नुकताच दिव्यशक्ती फाउंडेशनच्या वतीने उत्कृष्ट पत्रकार म्हणून राज्यस्तरीय पुरस्कार देण्यात आला .

पुरस्कार मिळाल्याबद्दल गोल्डन ग्रुपच्या वतीने त्यांचा रविवारी सत्कार करण्यात आला .

यावेळी गोल्डन ग्रुपचे सल्लागार प्रसाद मैड यांनी गोल्डन ग्रुपचा कामाची माहिती दिली . कोल्हापूर पूरस्थिती मदत , जळीत झालेल्या कुटुंबांना मदत , वृक्षारोपण कार्यक्रम , गुणवंत विद्यार्थ्यांचा सत्कार , गरजू विद्यार्थ्यांना शालेय साहित्य वाटप कार्यक्रम व अन्य उपक्रम गोल्डन ग्रुप वर्षभर राबवते . गोल्डन ग्रुपच्या वाटचालीत राहुरीतील इलेक्ट्रॉनिक आणि प्रिंट मीडियाच्या पत्रकारांचा मोलाचा वाटा असल्याने राज्यस्तरीय पुरस्कार प्राप्त पत्रकारांचा सन्मान करणे हे गोल्डन ग्रुपच्या सदस्यांचे कर्तव्य असल्याने , हा सत्कार करण्यात येत असल्याचे गोल्डन ग्रुपचे मार्गदर्शक युसूफ भाई देशमुख यांनी सांगितले . गोल्डन ग्रुपचे अध्यक्ष मच्छिंद्र गुलदगड , मधुकर येवले , दिलीप गागरे यांच्या हस्ते पत्रकार शरद पाचारणे सर , मनोज कुमार साळवे , विनाश पटेकर यांचा सन्मान करण्यात आला . यावेळी मच्छिंद्र गुलदगड , युसुफभाई देशमुख , मधुकर येवले , प्रसाद मैड , दिलीप गागरे , राजेंद्र पवार , बाळासाहेब राऊत , अशोक बोरा आदी उपस्थित होते .