प्रसंगावधान राखून सराफ निसटला ; सोने व जीव वाचला

विशेष वृत्त -

सध्या सोन्याचे भाव गगनाला भिडले असल्याने सोने आणि सोनार मार्केटला मोठे महत्त्व प्राप्त झाले आहे . अशातच हैदराबाद येथील एक व्हिडिओ सध्या व्हायरल झाला आहे .

( संबंधित वायरल व्हिडिओची सत्यता सतर्क खबरबात जिल्ह्याची घेत नाही . )

 घटना मेडचाल हैदराबाद येथील असल्याचे व्हायरल व्हिडिओत दिसत आहे .

मेडचल या शहरात एका सराफ दुकानात मोटार सायकलवरून दोन बुरखाधारी व्यक्ती शिरल्या . आत येताच त्यांनी काउंटरवर असलेल्या सराफाच्या खांद्यावर चाकूने वार करत दुकानातील दागिने लुटायला सुरुवात केली . सराफा शेजारी असलेली व्यक्ती हे दृश्य पाहून कारागिराच्या रूममध्ये पळते .

यादरम्यान सराफ गडबडलेल्या व रक्तबंबाळ अवस्थेत लुटारु पाठमोरे होताच तात्काळ काउंटरवरून उडी मारत बाहेर पळाला . या घटनेचा व्हिडिओ व्हायरल झाला आहे .

व्हायरल व्हिडिओतील सीसीटीव्ही मध्ये तारीख मात्र अलीकडच्या काळातील दिसत आहे . सराफाने एक प्रकारे आपल्यावर हल्ला झाल्यानंतरही प्रसंगावधान दाखवल्याचे दिसून येत आहे . सराफाचे सोने लाखो किमतीचे सोने वाचले असले तरी , सराफ व्यावसायिकांनी आपले व्यवसाय करताना किती काळजी घेतली पाहिजे ? हे या व्हिडिओतून नक्कीच लक्षात येते . त्यामुळे सराफ व्यवसायिकांनी आपापल्या व्यवसाय ठिकाणी अशा घटनांपासून सावध होत काळजी घेणे व सतर्क रहाणे आवश्यक बनले आहे .