रेल्वे येताना पाहिली अन्‌ जोडप्याने मारली उडी
सतर्क खबरबात जिल्ह्याची - विशेष वृत्त
रेल्वे पुलावर फोटोसेशनची हाऊस भागवणाऱ्या जोडप्याने पुलावर रेल्वे आल्याचे पाहताच नव्वद फूट खोल उडी मारली .
ही घटना शनिवारी राजस्थान मधील जोधपूर जवळील सुजन सिटी जवळ एका मीटरगेज रेल्वेपुलावर घडली असल्याची माहिती सोशल मीडियावर आली आहे . एबीपी माझा , सोशल मीडियावर आलेल्या माहितीनुसार , सुजन सिटीजवळ कामली घाट येथे मीटरगेज वरील रेल्वेपुलावर नात्यातील दोन जोडपे फिरायला आले असता यातील एका जोडप्याने थेट रेल्वे पुलावर जाऊन फोटोसेशन करण्याचा प्रयत्न केला .
मात्र तेवढ्यात रेल्वे आल्याचे पाहताच या जोडप्याची धांदल उडून त्यांनी थेट 90 फूट नदीपात्रात उडी घेतली , यात दोघे जखमी झाले .
त्यांचा व्हिडिओ आणि माहिती सोशल मीडियावर सध्या व्हायरल झाली आहे . सध्या धोक्याच्या ठिकाणी स्टंटबाजी व रील करण्याच्या प्रयत्नात अनेक गंभीर घटना घडत आहेत . आपण आपली काळजी घेतली पाहिजे , सतर्क राहिले पाहिजे . मात्र अशा घटनांमुळे विपरीत घडल्याचेच चित्र दिसत आहे .
Post a Comment
0 Comments