मुंबईच्या इंडियाज गॉट टॅलेंट ग्रुपचे कलाकार राहुरीत घडवणार आदिशक्तीची रूपे 

आ. प्राजक्त तनपुरे यांच्या संकल्पनेतून नवरात्रोत्सवनिमित्त भवानी मातेच्या माहेरघरी आदिशक्तीचा जागर सोहळ्याचे आयोजन

राहुरी   ( प्रतिनिधी )

राहुरीचे आमदार प्राजक्त तनपुरे यांच्या संकल्पनेतून आदिशक्तीचा जागर या सोहळ्याचे आयोजन शनिवार दि. 5 ऑक्टोबर रोजी करण्यात आली असून महिलांनी सहभागी होण्याचे आवाहनआमदार प्राजक्त दादा तनपुरे मित्र मंडळाच्या वतीने करण्यात आले आहे .

मुंबईच्या इंडियाज गॉट टॅलेंट ग्रुपचे एक्स वन एक्स डान्स ग्रुप हे या सोहळ्याचे मुख्य आकर्षण असणार असून खासदार अमोल कोल्हे यांची प्रमुख उपस्थिती राहणार असल्याने आहे .

                                                   ( Advt )

 नवरात्रोत्सव निमित्ताने शनिवार दि. 5 ऑक्टोबर रोजी सायंकाळी सहा वाजता राहुरीतील स्टेशन रोडवरील डॉ. नेहे हॉस्पिटल जवळील मैदानावर या आदिशक्तीचा जागर हा सोहळा पार पडणार आहे . या सोहळ्याचे खास आकर्षण मुंबई येथील टीव्हीवरील गाजलेल्या इंडियाज गॉट टॅलेंट ग्रुपच्या एक्स वन एक्स डान्स ग्रुप कुलस्वामिनी आई तुळजाभवानीची विविध रूपे संगीतमय गाण्यांच्या चालीवर सादर करणार आहे . राष्ट्रवादी शरद पवार पक्षाचे खासदार अमोल कोल्हे यांची या सोहळ्यास प्रमुख उपस्थिती राहणार असून आमदार प्राजक्त तनपुरे यांच्या संकल्पनेतून होणाऱ्या या सोहळ्याप्रसंगी उपस्थित राहणाऱ्या महिलांना नवरात्र उत्सव निमित्त फराळाची मेजवानी आणि आकर्षक भेटवस्तू देखील दिली जाणार आहे .

माजी नगराध्यक्ष डॉक्टर उषाताई तनपुरे ओजस्विनी पतसंस्थेच्या संस्थापिका सुजाताई तनपुरे सोनाली ताई तनपुरे राष्ट्रवादी शरद पवार पक्षाच्या तालुकाध्यक्ष शारदाताई खुळे शहराध्यक्ष अपर्णाताई ढमाळ सौ सायली ताई तनपुरे यांनी या सोहळ्याला राहुरी शहरासह तालुक्यातील महिला भगिनींनी उपस्थित राहावे , असे आवाहन आमदार प्राजक्त दादा तनपुरे मित्र मंडळ मंडळाच्या वतीने करण्यात आली आहे .