राहुरी शहरातील सर्वात मोठे शक्तिप्रदर्शन

 आमदार प्राजक्त तनपुरे यांचे उमेदवारी अर्ज भरण्यापूर्वी मोठे शक्ती प्रदर्शन

राहुरी ( प्रतिनिधी )

विधानसभा निवडणुकीसाठी आज राहुरीचे आमदार प्राजक्त तनपुरे यांनी आपला उमेदवारी 

अर्ज  दाखल  करण्यापूर्वी  शहरात  ऐतिहासिक  असे   शक्ती  प्रदर्शन  केले .

राष्ट्रवादी काँग्रेस पक्ष शरद पवार गटाकडून आज आमदार प्राजक्त तनपुरे , प्रदेशाध्यक्ष जयंतराव पाटील , आणि खासदार निलेश लंके यांच्या उपस्थितीत आज अर्ज दाखल करण्याचे जाहीर केले होते .

 त्यामुळे   आजच्या   शक्ती  प्रदर्शनाकडे  सर्वांचेच   लक्ष   लागले   होते .

 राहुरी बाजार समितीच्या प्रांगणात राहुरी शहरासह तालुक्याच्या बहुतांश भागातून राष्ट्रवादी शरद पवार गटाचे कार्यकर्त्यांसह तनपुरे यांच्या समर्थकांनी प्रचंड अशी गर्दी केली होती . विशेष म्हणजे महिलांचाही मोठा सहभाग या वेळी दिसून आला . अर्ज दाखल करण्यासाठी शक्ती प्रदर्शनाच्या वेळी तनपुरे यांनी सजवलेल्या गाडीत रॅली काढण्यास सुरुवात झाली . तुतारी वादन पथक ढोल-ताशाच्या निनादात रॅली निघाली . शहरातून या रॅलीवर तसेच तनपुरे यांच्यावर फुलांच्या पाकळ्यांचा वर्षाव करण्यात आला . अनेक व्यापारी , व्यावसायिकांनी तनपुरे यांची स्वागत केले. सजवलेल्या गाडीत आमदार प्राजक तनपुरे यांच्या समवेत बाजार समितीचे सभापती अरुण तनपुरे , युवा नेता हर्ष तनपुरे , रावसाहेब चाचा तनपुरे होते . 

रॅलीतील समर्थकांच्या हातात राष्ट्रवादीचे झेंड्यांसह तुताऱ्यांचे वादन शहरवासीयांचे लक्ष वेधून घेत होते . राहुरी शहरात अलीकडच्या काळात प्रथमच इतक्या मोठ्या संख्येने प्रदर्शन होत असल्याचे दिसून येत होते .