सोमवारी राहुरीत तनपुरे शक्तीप्रदर्शन करत भरणार अर्ज ; पक्ष प्रदेशाध्यक्ष जयंत पाटील , खासदार निलेश लंके राहणार उपस्थित

राहुरी - सतर्क टीम

नगर जिल्ह्यासह राज्यात स्टार प्रचारक म्हणून नावाजलेले राहुरीचे आमदार प्राजक्त तनपुरे सोमवारी राहुरीत

भव्य शक्तीप्रदर्शन करत पक्षाचे प्रदेशाध्यक्ष जयंतराव पाटील , खासदार निलेश लंके यांच्या उपस्थितीत आपला उमेदवारी अर्ज दाखल करणार आहेत .

राहुरी नगर पाथर्डी विधानसभा मतदारसंघात महाविकास आघाडीच्या. वतीने

राष्ट्रवादी काँग्रेस शरदचंद्र. पवार पक्षाचा उमेदवारी अर्ज भरण्यापूर्वी

आमदार प्राजक्त तनपुरे यांनी सोशल मीडियावर ही माहिती देत गेल्या पाच वर्षांत आपल्या मतदारसंघाच्या विकासासाठी मी अविरतपणे काम केले .

विकासाची ही घोडदौड अखंड सुरु रहावी , यासाठी माझ्या मतदारसंघातील जनता

पुन्हा एकदा मला ' तुतारी वाजविणारा माणूस ' या चिन्हासमोरील बटन दाबून संधी देईल हा विश्वास आहे .

आपणा सर्वांच्या साथीने हे सहज शक्य होईल , असे म्हटले आहे .
सोमवार दि. २८ ऑक्टोबर रोजी सकाळी १० वाजता कृषी उत्पन्न बाजार समिती, राहुरी येथे उपस्थित राहावे , असे आवाहन आमदार प्राजक्त दादा तनपुरे मित्र मंडळाच्या वतीने करण्यात आले आहे . तनपुरे यांच्या राहुरीतील शक्ती प्रदर्शनाकडे राहुरी शहरासह मतदारसंघातील नागरिकांचे लक्ष लागून राहिले आहे .