अवघे कुटुंबीय संपर्कासाठी उतरले मैदानात

दिवाळी व विधानसभा निवडणुकी निमित्त तनपुरे कुटुंबीय उतरले जनसंपर्कात

राहुरी - सतर्क टीम

राहुरीत कोणत्या ना कोणत्या धार्मिक उत्सव व कार्यक्रमांना तनपुरे कुटुंबीयांचा उत्साहात सहभाग असतो .

यंदा दिवाळी सण आणि विधानसभा निवडणुकीच्या पार्श्वभूमीवर अवघे तनपुरे कुटुंबीय मतदार संघात

मैदानात उतरल्याचे चित्र दिसून येत आहे .

यंदा दिवाळी सण आणि विधानसभा निवडणुकीच्या पार्श्वभूमीवर अवघे तनपुरे कुटुंबीय मतदार संघात मैदानात उतरल्याचे चित्र दिसून येत आहे .

दिवाळी सणानिमित्त तनपुरे कुटुंबातील सदस्य शहरवासियांना , व्यापारी , नागरिक , महिला भगिनींच्या गाठीभेटी घेत शुभेच्छा देताना दिसून येत आहे .

याला राहुरी शहर तालुक्यासह मिरी , तिसगाव , नगरकडील अनेक गावामध्ये प्रतिसादही मिळत असल्याचे चित्र आहे .

माजी नगराध्यक्ष डॉक्टर सौ उषाताई तनपुरे , सोनाली ताई तनपुरे , सौ सुजाता ताई तनपुरे यांनी दिवाळीनिमित्त अनेक वाड्या वस्त्यांमध्ये महिलांशी संपर्क साधित दिवाळीच्या शुभेच्छा दिल्या आहेत .

माजी खासदार प्रसाद तनपुरे यांनीही नगर तालुक्यातील अनेक गावांमध्ये राष्ट्रवादी शरद पवार गटाच्या अनेक समर्थकांची संवाद साधत दिवाळी फराळ देखील केला आहे .

राहुरी बाजार समितीचे सभापती अरुण तनपुरे , युवा नेता हर्ष तनपुरे यांनी राहुरी शहर व परिसरात दिवाळीनिमित्त अनेक नागरिकांना शुभेच्छा दिल्या आहेत .

यापूर्वी ही विविध धार्मिक उत्सव कार्यक्रमानिमित्त तनपुरे कुटुंब जनसंपर्कात असते . यंदा या जनसंपर्काला दीपावली - पाडवा आणि विधानसभा निवडणूक असा दुग्ध शर्करा योग जुळून आल्याने तनपुरे कुटुंबीयांच्या जनसंपर्काची चर्चा सध्या राहुरी पाथर्डी नगर मतदार संघात सुरू आहे .